Volontarya li plis ki donn so letan – Li vedir donn enn bout nou-mem pou amenn enn sanzman dan lavi lezot.
Sa Samdi gramatin-la, nou finn pran letan pou reflesir lor valer volontarya, linportans kontribie e linpak ki bann sinp aksion bieveyans e langazman kapav ena lor lakominote.
Deryer sak aksion reflesi, ena enn volonter disponib pou ekoute, soutenir, partaze e pran kont. Me volontarya ousi enn parkour devlopman personel. Kan enn volonter done, souvan li gagn konfians, lexperyans, li kree lien, konpran kifer li fer sa ek konpran li-mem e lemond otour li.
Terre de Paix, nou donn gran valer tou dimounn ki donn zot letan, lenerzi e passion pou ed zanfan e lafami grandi dan enn lanvironnman anrisisan.
Sak kontribision, tipti kouma li tipti, kapav amenn enn sanzman dirab alafwa pou seki ki resevwar e pou seki done.
Si ou anvi vinn zwenn nou kouma enn voloner e fer parti sa parkour reflesi-la, pa ezite kontakte nou.