Servis Rezidansiel

Fondation pour L’Enfance Terre de Paix ena enn long tradition dan ofer bann swin a bann zanfan ki viv dan bann lanvironnman ostil atraver enn sistem ki baze lor model lafami.

Selma, malgre tou nou bann zefor pou reziste a bann ditor linpak institisionalizasion, nou finn bizin reaziste nou program swin rezidansiel pou nou kapav kontigne nou travay lor bann prinsip ki ena dan Konvansion lor drwa zanfan.

Asterla, nou servis rezidansiel konsern akonpagnman bann zanfan pli vilnerab ki ena, ansam avek zot fami biolozik dan seki nou apel bann lakaz an-tranzit. Nou fer sa aktivite-la baze lor enn travay partenarya kominoter avek bann lezot ONG. Bann linstitision Leta kouma National empowerment Foundation e bann servis lasante ousi partisip dan program-la.

Nou servi enn lapros psiko-sosio-pedagozik asak letap bann prosesis pou idantifie zanfan ek zot fami, evalie zot bann bezwin e zot kapasite pou rant dan program, fer zot bouz dan nou sistem rezidansiel, ekip zot avek bann konpetans neseser e soutenir zot dan diferan sfer kot bizin bann intervansion.

Nou staf finn benefisie e kontinie benefisie enn formasion permanan pou zer bann sitiasion bien konplex.