Sant Formasion

Depi 2014 Fondation pour L’Enfance Terre de Paix roul enn sant formasion ki aprouve par MQA (Mauritius Qualifications Authority).

Rezon prisipal sa sant formasion-la se pou donn bann formasion an permanans a staf nou lorganizasion. Bann kour konsern ledikasion spesialize, swin, ledikasion, developman e proteksion dan domenn tit-anfans, aprantisaz atraver zwe, lamizik tradisionel, animasion e art-terapi.

Ena ousi bann kour pou staf lotel ki travay avek zanfan e lafami. Lorganizasion kapav mont bann kour spesifik pou reponn a bezwin bann kliyan.