Fondation pour L’Enfance Terre de Paix enn lorganizasion sosial non-gouvernmantal ki aktif dan domenn lanfans e parantalite pou bann zanfan ek fami ki plis vilnerab dan Moris.

Li ofer alafwa servis rezidansiel e non-rezidansiel pou donn bann swin, lakonpagnman e ledikasion dan bann lakaz, bann sant devey, enn lekol spesialize, enn zardin devey e enn sant formasion.

Anviron 700 zanfan ek zot fami konserne par sa bann program-la. Enn staf otour 120 dimounn travay dan lorganizasion.